आंब्या तेंगशेवयल्या फुला...

आंब्या तेंगशेवयल्या फुला...

परमळ तुजो.. कसो गो हांगा थंय पसरला...

हाताक घरुन तो म्हाका...

घराकङल्या आंब्यामुळांत व्हरता...

फूलयता म्हज्या मनांतलीं बांवकीं फुलां...

परमळ गो तुजो... आंब्या तेंगशेवयल्या फुला...

सकाळ घराकङली...ताजी म्होवाळ... तुज्या फुलांनीं...

सांजवेळ आधीक सोबीत... तुज्या फुलांनीं...

रात नवी व्हंकल कशी... तुज्या फुलांनीं...

...ताज्यो म्हज्यो यादी... तुज्या फुलांनीं...

जीव कळकळून रावला... तुज्या आंब्या सावळेक बसून...

न्हांवपाक परमळ गो तुजो... आंब्या तेंगशेवयल्या फुला...

पांचव्याचार कुळागरांतल्या तणार...शिंपङींल्ले कण तुजे..

घराकङले वाटेक लागील्ले दोळे म्हजे...

कुशींतलें वरसांचें सपन कशें...

सांबाळटा तुजो सुवास...मन म्हजें...

करपील्ली जमीन पळयता पावसा कुपांक तानून...

तशेंच पिवपाक आशेंता परमळ गो तुजो... आंब्या तेंगशेवयल्या फुला...